Скачать Демо музыку бесплатно в mp3 формате.
Добро пожаловать на наш Узбекский музыкальный сайт ELLO.UZ! На нашем сайте вы найдете альбомы популярных Узбекских исполнителей и сможете скачать их целиком. Все исполнители удобно отфильтрованы по жанрам. В верхней части сайта расположен поиск песен, где вы сможете найти любого Узбекского исполнителя, либо найти песню, которую вы так давно искали. Если вам нужно скачать музыку бесплатно в формате Узбекский MP3 и Узбекский Клип , то это именно тот сайт, который вам пригодится и вы можете его Добавить в Закладки.
,
BEK
BEK (Администратор)
Shuhrat
Shuhrat (Журналист)
ELLO
ELLO (Журналист)

13.03.2016

Рафаэль Варан: «Ҳозирги ҳолатимга етиш учун йиллаб меҳнат қилганман»

Автор: Sport-Uz Комментариев: 0            Просмотров: 177
Рафаэль Варан: «Ҳозирги ҳолатимга етиш учун йиллаб меҳнат қилганман»

Мадриднинг «Реал» клуби ҳимоячиси Рафаэль Варан УЕФАнинг расмий сайтига интервью бериб, фаолиятининг бошланиши ва «Қироллик клуби» устози Зайниддин Зидан билан муносабатлари борасида гапириб ўтди.

- Зиданнинг бош мураббийликни қабул қилиб олиши жамоага қандай таъсир ўтказди?

- Зидан футболни жуда яхши кўради. У жамоа ёрқин ва тезкор футбол намойиш қилиши тарафдори. Машғулотларда бизга қўшимча вазифаларни юклайди. Унга кўра, рақиб ўйинчиларини ўз дарвозалари яқинида тўхтатишимиз талаб этилади. Бу - унинг хоҳиши. Шунингдек, Зидан футбол ҳақида гапиришни ҳам ёқтиради. Ўйинни таҳлил қилишимиз учун учрашувларнинг видеоёзувларини қўйиб беради. Умуман олганда, футболчилар билан иноқ. Яқинда фаолиятини якунлаган ёш мураббий учун бу одатий ҳол.

У ўз номини 1998 йилги жаҳон чемпионатида тарихга киритиб қўйган. Шу билан бирга, Франция футболининг ривожига улкан ҳиссасини қўшган. Болалигимда унинг ўйинларини томоша қилардим. Зиданни бутун дунёда танишади ва яхши кўришади. Айниқса, Францияда.

- Футболга қандай кириб келгансиз?

- Аввалига ҳовлида отам назоратида акам билан футбол ўйнардик. Отам қайсидир маънода мураббийимиз бўлган. Агар тепамизда турмаса, кун бўйи танаффуссиз ўйнайверардик. Баъзида ўйнашимизга қаршилик қилса, йиғлардик ҳам. Етти ёшимда «Ланс» академиясига қабул қилишди. Шундан сўнг катта футболга кириб келганман.

Олдинлари шунчаки кайфият учун ўйнардим. Кейинчалик футбол - касбим эканлигини тушуниб етди. Менга шундай имконият яратиб беришганидан хурсандман. Бошқа тарафдан эса бирданига бахтли бўлиб қолмаганман. Ҳозирги ҳолатимга етиш учун йиллаб меҳнат қилганман.

- «Ланс»дан «Реал»га ўсмирлигингиздаёқ ўтгансиз. Шу вақт оралиғида ўйинингиз қанчалик ўзгарди?

- Мадридда нафақат футболчи, балки инсон сифатида ҳам ўсдим. Менимча, жисмоний ҳолатим ва яккакурашларда қандай ҳаракат қилиш борасида тажрибам ошди. Умид қиламанки, ўсишда яна давом этавераман.

- Эндигина 22 ёшга кирдингиз. Шунга қарамай, Чемпионлар Лигасида қаторасига бешинчи мавсумни ўтказяпсиз. Бу турнирдан олган таассуротларингиз қандай?

- Ҳақиқатан ҳам, ёшимга назар соладиган бўлсак, Чемпионлар Лигасида кўп ўйин ўтказдим. Ҳаттоки, финалда ҳам иштирок этдим. Менда муҳим турнирларда ҳар йили иштирок этиш имконияти бор. Ҳар сафар совринни қўлга киритишга умид қиламан.

Чемпионлар Лигаси - муҳим турнир. Юқори савиядаги жаҳоннинг клублар ўртасидаги энг яхши мусобақаси. Ҳар бир учрашувда ажойиб голлар ва ҳаракатлар бўлади. Бу ерда рақобат ҳамиша юқори савияда. Шундай турнирда қатнашаётганимдан хурсандман.

- деб хабар бермоқда Stadion.uz нашри.


Категория: Спорт UZ     Нашли ошибку?

Похожие музыки

Похожие клипы

Добавить комментарий

avatar