Скачать Демо музыку бесплатно в mp3 формате.
Добро пожаловать на наш Узбекский музыкальный сайт ELLO.UZ! На нашем сайте вы найдете альбомы популярных Узбекских исполнителей и сможете скачать их целиком. Все исполнители удобно отфильтрованы по жанрам. В верхней части сайта расположен поиск песен, где вы сможете найти любого Узбекского исполнителя, либо найти песню, которую вы так давно искали. Если вам нужно скачать музыку бесплатно в формате Узбекский MP3 и Узбекский Клип , то это именно тот сайт, который вам пригодится и вы можете его Добавить в Закладки.
,
BEK
BEK (Администратор)
Shuhrat
Shuhrat (Журналист)
ELLO
ELLO (Журналист)

31.12.2015

Дунёнинг бадавлат шахслари 2015 йилда камбағаллашди

Автор: BEK Комментариев: 0            Просмотров: 406

Bloomberg Billionaires Index маълумотларига кўра, сайёрамиздаги 400 нафар энг бой одамлар бойлиги ушбу йилда 19 миллиард АҚШ долларига камайди.

Хом-ашё нарҳи ва Хитойнинг иқтисодий ўсиш суръатлари пасайиши бутун дунёда сармоядорларини қўрқувга солиб қўйди, бу эса бойлик индексининг 2012 йилдан бери илк маротаба йиллик пасайишига олиб келди.

Fisher Investments асосчиси миллиардер Кен Фишернинг қайд этишича, жорий йилда фонд бозори ноқулай вазиятда қолди, бу ҳолат эса 2015 йилда юз берган воқеалар билан боғлиқ.

“Нефт бозоридаги таклифнинг кўплиги, истеъмолчилар ҳаражатларининг паст даражаси ва Хитой ўсиш суръатининг пасайиши - буларнинг бари сармоядорларни қўрқитиб юборди”.

Телекоммуникациялар соҳасидаги мексикалик магнат Карлос Слим бойлик даражаси энг кўп даражада камайган одамга айланди, чунки унга тегишли бўлган America Movil SAB 2015 йилда ўз қийматини 25 фоизга йўқотди.

2013 йил май ҳолатига кўра, Слим дунёдаги энг бадавлат одам бўлган, бироқ ҳозирда бор-йўғи 5 ўринда, чунки унинг бойлиги деярли 20 миллиард долларга қисқарди.

Гейтс, Баффет ва бошқалар

Дунёнинг бадавлат шахслари 2015 йилда камбағаллашди

Сайёрамизнинг энг бадавлат кишилари рейтингидаги америкалик сармоядор Уоррен Баффет жорий йилда 11,3 миллиард доллар йўқотди – унинг Berkshire Hathaway Inc. компанияси 2011 йилдан бери илк бора салбий йиллик даромадга эга бўлди.

2013 йилнинг май ойидан бери дунёнинг энг бадавлат кишиси саналган Microsoft Corp. асосчиси Билл Гейтс бу йил 3 миллиард АҚШ долларини йўқотди.

Дунёнинг бадавлат шахслари 2015 йилда камбағаллашди

Гейтснинг йўқотишлари ва кийим-кечак савдоси билан шуғулланувчи Inditex SA даромадларининг ўсиши Амансио Ортегани дунёнинг энг бадавлат кишисига айланишига олиб келди.

Ортега 2012 йилнинг июнь ойидан бери Европадаги энг бой одам саналади. У Слим ва Баффетни ортда қолдирди – унинг бойлиги 12,1 миллиард доллардан 73,3 миллиардга ўсди.

Бироқ унинг бойлигинг 20 фоизга ортишини Amazon.com Inc. асосчиси Жеф Безос бойлиги ўсиши билан таққослаб бўлмайди. Мексикалик миллиардер ўз бойлигини икки мартадан ортиқ кўрсатикичга оширишга муваффақ бўлди, ҳозирда бойлиги 59 миллиард АҚШ долларига баҳоланмоқда.

2015 йилда унинг бойлиги 31 миллиард АҚШ долларига ўсди, шу тариқа 2014 йилдаги 7,4 миллиард АҚШдоллар кўрсаткичидаги пасайишни қоплади. Бойлик даражасининг ортиши Безос рейтингини 16 та ўринга оширди ва ҳозирда у энг бадавлат кишилар рўйхатида тўртинчи ўринни эгалламоқда.

Ўсиш ва пасайишлар

Bloomberg агентлиги томнидан тузилган бойлик индексига мувофиқ, дунёдаги 400 нафар энг бадавлат кишилар деярли 3.9 триллион долларга эгалик қилишади.

Бу эса АҚШ, Хитой ва Япониядан ташқари, бошқа ҳар қандай мамлакат ЯИМ дан кўп.

18 май ҳолатига кўра, уларнинг бойлик кўрсаткичи максимал даражада бўлганида, миллиардерлар деярли 4,3 триллион долларга эгалик қилишган, бу эса 1 январь ҳолатига кўра, 267 миллард долларга кўпроқ. Август ойида эса уларнинг деярли барчаси даромадларини йўқотишди.

Дунёнинг бадавлат шахслари 2015 йилда камбағаллашди

Безос ва Ортега ўз бойликларини ҳаммадан кўра кўпроқ оширишди – мазкур икки шахс бойлигининг ўсиши 43 миллиард АҚШ долларини ташкил этди.

Уолтенлар оиласининг беш нафар аъзоси 2015 йилда биргаликда 35 миллард АҚШ долларини йўқотишди.

Дунёнинг бадавлат шахслари 2015 йилда камбағаллашди

Бундан ташқари, мазкур йилда 49 нафар миллиардер, булар орасида Glencore Plc. ижрочи директори Айван Глазенберг ва Никарагуада Панама канали муқобили қурилиши учун шахсан 500 миллион АҚШ доллари миқдорида сармоя киритган телекоммуникациялар соҳасидаги хитойлик магнат Ван Цзин рейтингдан чиқиб кетди.

Глазенберг ўз бойлигининг деярли учдан икки қисмини йўқотди, Ван Цзиннинг бойлиги эса жорий йилда 86 фоизга қисқарди.

Бразилиядаги коррупция

Лотин Америкадаги мустақил инвестицион банкнинг собиқ раҳбари бразилиялик миллиардер Андре Эстевес ушбу йилда деярли 1,5 миллиард АҚШ долларни йўқотди.

2014 йил сентябрида максимал қиймат 4,9 миллиард бўлган бойлиги мазкур йилда 1,8 миллард АҚШ долларини ташкил қилди.

Унинг ҳамкорлари Марсель Теллес ва Карлос Сикупира ҳам ўз бойлигини ҳар бири учун 1,7 миллиард АҚШ долларига оширди, 3G Уоррен Баффет билан ўз кучларини (Kraft Foods Groupнинг H.J. Heinz билан бирлашиши туфайли) бирлаштирмоқда.

Мазкур уч миллиардер Anheuser-Busch InBev NV нинг асосий акциядорлари ҳисобланади.


Шиддатли пойга

2015 йил хитойлик миллиардерлар учун мана шундай пойга йили бўлди. 1 январь ҳолатига кўра, индексда жами бойлиги 205 миллиард АҚШ долларини ташкил этган 23 нафар хитойлик миллиардерлар мавжуд бўлган.

27 май ҳолатига кўра, уларнинг бойлиги максимал даражага етганида, индексдан жами бойлиги 348 миллиард АҚШ долларини ташкил этган 31 нафар хитойлик миллиардерлар ўрин эгаллаган.

28 декабрь ҳолатига кўра, индексда жами бойлиги 256 миллиард АҚШ долларини ташкил этган 28 нафар миллиардер бўлган.

Бозорлар ўсиши билан Хитой ҳақиқий миллиардерлар фабрикасига айланди, биринчи ярим йилликда мамлакатда 50 нафардан ортиқ янги миллиардерлар пайдо бўлди.

Бироқ июль ойига келиб, пуфак ёрилди. Биринчи ярим йилликда пайдо бўлган 50 та миллиардердан август ойига келиб бор-йўғи 19 таси қолди.

Россиялик бойлар шахсий муваффақиятсизликларни бошдан кечирдилар. Мамлакатнинг энг бадавлат кишилари Ғарб мамлакатлари санкциялар киритишганидан сўнг, 2014 йилда 55 миллиард АҚШ долларини йўқотишди.

Технологиялар 2015 йилда миллиардерлар учун энг яхши саноатга айланди.

44 нафар IT-миллиардерлар ўз бойликларини 81 миллиард АҚШ долларига орттиришга муваффақ бўлишди. Бу кўрсаткичга Безос 31 миллиард АҚШ долларлик ўсиш билан етакчилик қилди.

Дунёнинг бадавлат шахслари 2015 йилда камбағаллашди

Facebook Inc. раҳбари Марк Цукерберг эса у томонидан яратилган ижтимоий тармоқ янада машҳурликка эришгач, 12 миллиард АҚШ долларига бойишга эришди.

Alphabet Inc. асосчилари Сергей Брин ва Ларри Пейжлар ҳам ўз бойликларини орттиришди. Уларнинг ҳар иккови ўз бойлигини 20 миллиард АҚШ долларига оширишди.


Хом-ашё нарҳи

Метал, тоғ-кон қазиб олиш саноати ва энергетика соҳасидаги 31 нафар миллиардер мушкул вазият қолди – уларнинг жами бойлиги 32 миллиард долларга қисқарди.

Дунёнинг бадавлат шахслари 2015 йилда камбағаллашди

Австралиядаги энг бой одам – Жина Райнхарт темир рудасининг нарҳи деярли икки баробар қисқарганида, бойлигининг деярли тўртдан бирини йўқотди.

Нигерияда нефть нарҳининг пасайиши ўсиш суръатининг секинлашувига олиб келди, Африкадаги энг бадавлат одам Алико Данготе эса мана икки йилдирки, даромадларини йўқотмоқда.

Ҳозирги кунда унинг бойлиги 14 миллиард АҚШ долларига баҳоланмоқда, бу эса 2014 йил январь ойидагига қараганда деярли икки марта камроқ.


Сирли миллиардерлар

2015 йилда Bloomberg индексидан 115 нафар янги ва у қадар машҳур бўлмаган миллиардерлар ўрин эгаллашди.

Ноябрь ойида Wal-Mart меросхўри Кристи Уолтон марҳум умр йўлдоши Жон Уолтон акцияларининг учдан бирини ўғли Лукасга ўтказганлиги тўғрисида судда аниқланганидан сўнг, Американинг иккинчи энг бадавлат аёли номини йўқотди. Лукас 29 ёшида энг бадавлат кишилар рейтингида 92-ўринни эгаллади, унинг бойлиги 11 миллиард долларни ташкил этди.

Бундан ташқари, Goldman Sachs Group Inc. ва JPMorgan Chase & Co. каби инвестицион банкларнинг ўсиши бшқарув раислари - Ллойд Бланкфейн ва Джейм Даймонларни миллиардерларга айлантирди.

Гонконгда Юн Кинь-мань ўз бойлигини 10 миллиард долларга оширди.

Чжоу Цюньфэй эса Хитойдаги энг бой одамга айланди – унинг бойлиги 5 миллиардга ортди ва мазкур йилда 7,9 миллиард долларни ташкил этди, бу эса 254 фоизлик ўсиш бўлиб, энг юқори кўрсаткич демакдир. 2015 йил хотиржам йил бўлмаганлигига қарамай, экспертлар фикрларига кўра, 2016 йил бунданда мушкулроқ бўлиши мумкин.

Таҳлилчилар фикрларига кўра, бозорлардаги силкинишлар ўсиб боради, сармоядорлар учун эса мураккаб давр бошланади.


Manba: xabardor.uz


Teglar: Biznes

Похожие музыки

Похожие клипы

Добавить комментарий

avatar